Freedom House միջազգային իրավապաշտպան կազմակերպությունն ավարտում է իր գործունեությունը Հայաստանում։ Այս մասին հայտնել է կազմակերպության հայաստանյան ներկայացուցչության ղեկավար Անդրանիկ Շիրինյանը՝ ֆեյսբուքյան գրառմամբ։
«Ավելի քան չորս աներևակայելի տարիներից հետո իմ ճանապարհը Freedom House-ի հետ Հայաստանում ավարտվում է, քանի որ կազմակերպությունը եզրափակում է իր աշխատանքը այստեղ։ Պատվաբեր էր առաջնորդել այս ընթացքում՝ հատկապես ամենաբարդ ժամանակահատվածներում, և լինել այնքան ոգեշնչող գործընկերների, ընկերների ու իրավապաշտպանների կողքին»,-գրել է Շիրինյանը։
