ԱԺ փոխնախագահ Լենա Նազարյանն անդրադառնալով երեկվանից բուռն քննարկումների առիթ հանդիսացած տարեց տաքսիստի հանդեպ բռնության տեսարանին, «Ֆեյսբուքում» գրել է.
«Փաստորեն, վայրենի կա քաղաքում։ Բայց ինչ սանձարձակի մեկն է, որ ձեռք է բարձրացրել 75 տարեկան մարդու վրա։
Իրավագիտակցության պակասն ու բռնության հակումներն այսպիսի հետևանքներ են ունենում։ Հանրային ու անձնական հարաբերությունները պետք է զերծ լինեն բռնությունից։
Հարցերը կարող են և պետք է պարզվեն իրավական ճանապարհով։ Եվ հոգատար հանրությունը նրա համար է, որ անտարբեր չլինի, հետ պահի, տեսանկարի մինչև ոստիկանությունը կհասնի»։