Իրավապաշտպան Ժաննա Ալեքսանյանը գրում է.
«Զինվորի կյանքի համար պատասխանատուները ոստիկանություն են տարել սպանված զինծառայողի հարազատներին զսպելու, ընդ որում կարմիր բերետավորներ:
Ամոթ և խայտառակություն: Սա ինձ հիշեցրեց տարիներ առաջ զինծառայող Լյուքս Ստեփանյանի մահվան դեպքը, երբ Վերին Գետաշեն գյուղը նրա դին բերում էր Երևան՝ կառավարության շենք:
Գյուղացիների ճանապարհը կտրել էին Վովայի հրոսակները, ծեծել գյուղացիներին, շուռ տվել դագաղը…
Ահա, թե ինչպես է բարեփոխվում վարչապետին կից ոստիկանությունը:
Նախ, հայրենիքի ծառայությանը մեկնած զինվորին են սպանում, ապա հարազատներին բիրտ ուժով զսպում:
Բայց դուք եք սպանել զինվորին, գնացեք առանց ծպտուն հանելու խոնարհվեք զինվորի ընտանիքի և նրա հարազատների առջև: վերջապես գիտակցեք ձեր պատասխանատվությունը»:
