«Եվրատեսիլ 2023» երգի հեղինակավոր մրցույթում Վրաստանը կներկայացնի հայազգի Իրու Խեչանովան,ով հաղթել է The Voice հեռուստանախագծում:
Այս մասին հայտնում է մրցույթի «Ինստագրամ»-ի պաշտոնական էջը:
Իրու Խեչանովան 22 տարեկան է: Նա ավարտել է Թբիլիսիի կոնսերվատորիայի երաժշտական կոմպոզիցիայի բաժինը: Բեմական գործունեությունը սկսել է 9 տարեկանից:
Խեչանովան եղել է Candy խմբի անդամ, որը Վրաստանին երկրորդ հաղթանակն է բերել 2011 թվականին Երեւանում կայացած «Մանկական Եվրատեսիլ» երգի մրցույթում։
Հիշեցնենք, որ Եվրատեսիլ 2023-ը կանցկացվի Լիվերպուլում մայիսի 9-ից 13-ը։
Հայաստանը մրցույթին կներկայացնի երգչուհի Հելեն Երեմյանը՝ հայտնի որպես Brunette։ Նա նույնպես ելույթ կունենա երկրորդ կիսաեզրափակչում՝ մայիսի 11-ին:
