Արդեն իսկ ռուսական ԶԼՄ-ները սկսել են հրապարակել Մոսկվայի «Դոմոդեդովո» միջազգային օդանավակայանում տեղի ունեցած ահաբեկչության հետեւանքով զոհված քաղաքացիների անունները:
Ըստ նախնական տվյալների, նրանց թվում Հայաստանի քաղաքացիներ չկան: Առայժմ հրապարակվել է պայթյունի հետեւանքով վիրավորված քաղաքացիների անունները, որոնց թվում է 1960 թվի ծնված Կարեն Միխաիլի Գալուստյանի անունը` Կռասնոգորսկի շրջանից:
Հիշեցնենք`ժամեր առաջ Դոմոդեդովո օդանավակայանում տեղի է ունեցել պայթյուն, որի առնչությամբ ՌԴ Քննչական կոմիտեն հարուցվել է քրեական գործ` «Ահաբեկչություն հոդվածով»:
Ահաբեկչության արդյունքում առնվազն 31 զոհ կա: Նույն տվյալներով, վիրավորվել է առնվազն 130 մարդ:
Ըստ որոշ տվյալների, հնարավոր է` զոհերի թիվը հասնի 70-ի: Ռուսական ԶԼՄ-ների հաղորդմամբ, վերջնական ցուցակները կհրապարակվեն առավոտյան:
Նախնական տվյալներով, պայթյունը նախաձեռնել է մահապարտ-ահաբեկիչը, որը խառնվել էր դիմավորողների խմբին: Ականատեսների հավաստմամբ, Դոմոդեդովոյի տարածքում կապի հետ խնդիրներ են առաջացել պայթյունի հետեւանքով: Ըստ այդմ, պայթյունի ուժգնությունը կարող էր կազմել 5 կգ տրատիլ:
© Medialab.am