Մոսկվա-Երևան չարտերային թռիչքով այսօր ՌԴ-ից ՀՀ ժամանող 222 քաղաքացիները կտեղափոխվեն Ծաղկաձորում գտնվող հյուրանոցներ

Հեղինակ MediaLab

Փոխվարչապետ Տիգրան Ավինյանը Ֆեյսբուքի իր էջում գրել է․

««Red Wings» ավիաընկերության կողմից իրականացվող Մոսկվա-Երևան չարտերային թռիչքով այսօր Հայաստան են ժամանելու Ռուսաստանի Դաշնությունում գտնվող և վերադառնալու ցանկություն հայտնած Հայաստանի Հանրապետության 222 քաղաքացիներ: Մեր քաղաքացիները մեկուսացված կարգով կտեղափոխվեն Երևանում ու Ծաղկաձորում գտնվող հյուրանոցներ, որտեղ 14 օր կլինեն կարանտինի ռեժիմի մեջ:

Տեղեկացնեմ նաև, որ րոպեներ առաջ «Red Wings» ավիաընկերությունը ՌԴ կառավարությունից ստացել է թույլտվություն իրականացնելու ևս մեկ թռիչք, որի մանրամասները կհայտնվեն հավելյալ»: