«Ժառանգություն» կուսակցության նախընտրական շտաբը դատապարտում է ոստիկանության կողմից քաղաքացիների հանդեպ կիրառված բռնի գործողությունները ու այլ ապօրինությունները եւ պահանջում, որպեսզի կատարվածի համար պատասխանատուները պատժվեն օրենքի ամբողջ խստությամբ:
Հիշեցնենք, որ երեկ՝ ապրիլի 29-ին, Մաշտոցի այգու համար պայքարող երիտասարդները փորձել են երկու անգամ վրան տեղադրել, որը օրենքով արգելված չէ: Հայտնվել են կարմիր բերետավորներ ու ոստիկանության աշխատակիցները ու սկսել է քաշքշուկ, որի արդյուքնում 7 երիտասրադի բերման են ենթարկել ոստիկանություն ու մեկ ժամից հետո բաց թողել, 3 հոգի տարբեր մարմնական վնասվածքներ են ստացել, երկուսը գնացել են հիվանդաանոց՝ օգնոթյւոն ստանալու, իսկ մնացածը դուրս են պրծել կապտուկներով:
Այս խնդրով մտահոգ քաղաքական կուսակցություններից երեկ այգում էին գտնվում ՀՅԴ ներկայացուցիչ Վահան Հովհաննիսյանը, իսկ «Ժառանգություն» կուսակցությունն էլ տարածել է հատուկ հաղորդագրություն:
«Ինչպես հստակ երեւում է միջադեպի տեսաձայնագրությունից` ոստիկանները, այդ թվում՝ պարետապահակային ծառայության հատուկ գունդը (կարմիր բերետավորներ), առանց նախազգուշացման, առանց որեւէ պահանջ ներկայացնելու եւ առանց օրենքով սահմանված այլ ընթացակարգերի պահպանման ուժ են կիրառել խաղաղ գործողություն իրականացնող քաղաքացիների հանդեպ և առգրավել նրանց տեղադրած վրանները»,- ասված է հայտարարության մեջ:
© Medialab.am
