Ըստ Հարվարդ Թ. Հ. Չան հանրային առողջապահության դպրոցի հետազոտող Ջոզեֆ Ալենի՝ չնայած COVID-19 տարածման, հոսպիտալացուման և մահվան դեպքերի թվերն աճում են, բայց հորիզոնում կան նաև որոշ դրական նորություններ։ Այս մասին Ալենը գրել է «Վաշինգթոն փոսթ»-ում լույս տեսած տեսակետ-հոդվածում։
Դրական զարգացումների թվում Ալենը նշում է․
- Թերապևտիկ բուժումները, ինչպիսիք են հակամարմինների կլոնավորումը, արդյունավետ են ինչպես COVID-19- ը բուժելու, այնպեսև կանխելու համար:
- COVID-19-ը թքի միջոցով հայնաբերելու արագ և էժան թեստեր են մշակվում, որոնք կարող են լիովին փոխել իրավիճակը։
- Աշխարհով մեկ տարածվում է դիմակ կրելը։
- Համաձայնություն է ձեռք բերվել վիրուսի տարածման եղանակի մասին։ Այն տարածվում է օդակաթիլային ճանապարհով։ Առողջապահության համաշխարհային կազմակերպությունն ու այլ կազմակերպություններ այժմ առաջարկում են օգտագործել առողջ հեռավորության պահմանման ռազմավարություններ, ինչպիսիք են ավելի լավ օդափոխությունը, ավելի լավ օդի ֆիլտրացումը և օդը մաքրող սարքերի օգտագործումը:
- Որոշ ուսումնասիրություններ ենթադրում են, որ անցյալում սովորական կորոնավիրուսների ազդեցությանը ենթարկվելը կարող է օգնել որոշ մարդկանց պաշտպանել COVID-19 վարակից:
- Պատվաստանյութերի փորձարկումները, կարծես թե, հաջողությամբ են ընթանում և արտադրող ընկերությունները հայտարարել են, որ հնարավոր է առաջին պատվաստանյութերը օգտագործման հանձնեն հոկտեմբերի սկզբին:
«Պատմության մեջ առաջին անգամ աշխարհի գրեթե յուրաքանչյուր գիտնական կենտրոնացած է նույն խնդրի լուծման վրա», – գրել է Ալենը,- «Սա սկսում է իրական արդյունքներ տալ»:
MediaLab.am