Այսօր հանքարդյունաբերության թեմայով քննարկմանը հրավիրված Մելիք գյուղի բնակիչը ներկայացրել է գյուղի խնդիրները: Գյուղը տասնհինգ տարի է փորում են, ամեն երկու տարին մեկ պոչամբար են սարքում, արդյունքում ջրում մեկ ձուկ անգամ չկա: Մելիք գյուղի երիտասարդությունը հուսահատված է, ամեն մեկը իր գլխի ճարը արտագաղթի մեջ է տեսնում: Արդեն հիսուն տուն դատարկ է մնացել, բնակչությունն էլ ունի առողջական խնդիրներ: Վարչապետ, թե նախագահ, ըստ նրա, երևի չգիտեն էլ, որ նման գյուղ կա Հայաստանում: Նա իր խոսքը եկել էր ասելու պաշտոնյաների, որոնց այդպես էլ չգտավ դահլիճում:
Հայաստանում այսօր 518 հանքավայր կա, 34-ին էլ մետաղահանքերի լիցենզիա է տրված, այսօր հանքարդյունաբերության ոլորտի և խնդիրների վերաբերյալ քննարկմանը ասել է Կանաչների միության նախագահ Հակոբ Սանասարյանը: Ըստ նրա՝ ժողովրդի հարստությունն այսօր գնում է մի քանի ընտանիքի գրպանը, իսկ Հայաստանի գլխին թափվում են միլիոնավոր տարիներ իրենց հատկությունը չկորցնող թափոններ: Նա ցավով նկատել է, որ մեր երկրում մեկ հոգի է կարողանում հարց լուծել՝ երկրի նախագահը, հենց դա էլ մեր դժբախտությունն է:
Ամբողջական հոդվածը կարող եք կարդալ այստեղ