«Ամեն ինչ լավ է, բարեհաջող հասել ենք գրասենյակ։ Մեր վերաբերյալ վարչական վարույթ է կազմվել։ Մենք կարողացանք այնտեղ եղած ժամանակը օգտագործել և ոստիկաններին բացատրել՝ ինչ է կատարվում, ինչի համար են մարդիկ բողոքի ակցիաներ իրականացնում», -իր ֆեյսբուքյան ուղիղ եթերում հայտարարել է իրավապաշտպան, փաստաբան Նինա Կարապետյանցը։
Հիշեցնենք՝ նա և փաստաբան Արա Ղարագյոզյանը ոստիկանների կողմից բերման էին ենթարկվել ոստիկանության բաժին․ Նինա Կարապետյանցը՝ որպես միայնակ ակցիա իրականացնող ընդդեմ Ամուլսարի հանքի շահագործման, իսկ Ղարագյոզյանը պարզապես եղել է դեպիք վայրում՝ որպես իրավապաշտպան։