Սեպտեմբերի 3-ին Ճգնաժամային կառավարման ազգային կենտրոն ահազանգ է ստացվել, որ Երևանի Արշակունյաց պողոտայի թիվ 89 շենքի մոտակայքում տեղի է ունեցել ճանապարհատրանսպորտային պատահար՝ բախվել են մոտոցիկլետը և ավտոմեքենան․ կա տուժած։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Volkswagen Phaeton» մակնիշի ավտոմեքենան (վարորդ՝ Կարեն Ա․) և մոտոցիկլետը (վարորդ՝ Վաղարշակ Մ․)։
Մինչ փրկարարների կանչի վայր հասնելը՝ մոտոցիկլի վարորդը հոսպիտալացվել է «Էրեբունի» ԲԿ, որտեղ բժիշկները նրա առողջական վիճակը գնահատել են ծանր:
Փրկարարների օգնության կարիքը չի եղել։
