ՀՀ վարչապետ Նիկոլ Փաշինյանի հրաժարականը պահանջող մի խումբ քաղաքացիներ փորձել են փակել մայրաքաղաքի Սարյան-Արամի փողոցների խաչմերուկը:
Ինչպես տեղեկացնում է «Արմենպրես»–ը, ոստիկանները նշված վայրից արդեն բերման են ենթարկել փողոցը փակել ցանկացող մի խումբ անձանց և կարգավորել երթևեկությունը:
Վարչապետ Նիկոլ Փաշինյանի հրաժարականը պահանջող քաղաքացիները Երևանում փողոցներ էին փակել նաև նոյեմբերի 19-ին:
Խորհրդարանական և արտախորհրդարանական 16 ընդդիմադիր կուսակցություններ իրականացնում են հանրահավաքներ` պահանջելով ՀՀ վարչապետ Նիկոլ Փաշինյանի հրաժարականը: