Հայ-ռուսական հարաբերությունները հասել են փոխադարձ անվստահության գագաթնակետին, և այդ մասին են վկայում Ռուսաստանի կողմից Ադրբեջանին մեծածավալ սպառազինության վաճառքը, Եվրասիական միությանը Հայաստանի անդամակցության հետաձգումը ու այդ ֆոնին Կրեմլի քայլերի առնչությամբ Սերժ Սարգսյանի՝ աննախադեպ հրապարակային դժգոհությունը:
Այսօր «Ազատության» հետ զրույցում այսպիսի կարծիք հայտնեց Միջազգային և անվտանգության հարցերի հայկական ինստիտուտի ղեկավար Ստյոպա Սաֆարյանը՝ անդրադառնալով արգենտինական Clarin թերթի հետ զրույցում նախագահ Սարգսյանի աղմկահարույց հայտարարությանը:
«Մեզ համար դա շատ ցավոտ թեմա է, և մեր ժողովուրդը շատ է մտահոգվում, որ մեր ռազմավարական գործընկերը զենք է վաճառում Ադրբեջանին»,- ասել է Հայաստանի նախագահը:
