«Ամերիկայի Ձայնը» գրում է․
ԱՄՆ ռազմաօդային ուժերը MQ-9 Reaper անօդաչու թռչող սարքեր և դրանք սպասարկող շուրջ 90 զինվորականներ է տեղակայել Ռումինիայի Քըմփիա-Թուրզի քաղաքում գտնվող ռազմաօդային ուժերի 71-րդ ռազմակայանում ՝ ՆԱՏՕ-ի գործողություններին աջակցող հետախուզական և դիտորդական առաքելություն իրականացնելու համար:
«Այս կարևոր ռազմավարական տարածքում պատրաստի շահագործման համար գործող MQ-9-ների տեղակայումը մեր դաշնակիցներին և գործընկերներին հավաստիացնում են, որ մենք կարող ենք արագ արձագանքել առաջ եկած սպառնալիքներին: Դա նաև ցուցադրում է մեր հակառակորդներին», – ասել է Եվրոպայում և Աֆրիկայում ԱՄՆ-ի ռազմաօդային ուժերի հրամանատար Ջեֆ Հարրիգյանը:
Հետախուզական և հսկողական գործառույթներից բացի անօդաչու սարքերը կմասնակցեն օդային տարածքում գործողություններին և կինտեգրվեն տարածաշրջանում գտնվող կոալիցիոն ուժերի հետ: Դրանք կարող են նաև մասնակցել ռազմական զորավարժությունների, որոնք ուղղված են դաշնակից և գործընկեր երկրների հետ համատեղ անվտանգության ապահովմանը:
Տեղակայումը լիովին համաձայնեցված է Ռումինիայի կառավարության հետ: ԱՄՆ-ը և Ռումինիան սերտ ռազմական կապեր են պահպանում որպես ՆԱՏՕ-ի դաշնակիցներ և համագործակցում տարածաշրջանային անվտանգության բազմաթիվ հարցերի շուրջ:
MQ-9-ների տեղակայումը ցույց է տալիս ԱՄՆ-ի հավատարմությունը Եվրոպայում անվտանգության և կայունության ապահովմանը և նպատակ ունի ամրապնդել հարաբերությունները ՆԱՏՕ-ի դաշնակիցների և եվրոպական մյուս գործընկերների հետ:
