Հիդրոօդերևութաբանության և մոնիթորինգի կենտրոնը տեղեկացնում է, որ մայրաքաղաքում ապրիլի 4-ին և 5-ին սպասվում է առանց տեղումների եղանակ:
Ապրիլի 1-3-ը քաղաքի առանձին հատվածներում հնարավոր է կարճատև անձրև և ամպրոպ: Մարզերում ապրիլի 4-ին և 5-ին սպասվում է առանց տեղումների եղանակ:
Ապրիլի 1-3-ը առանձին շրջաններում սպասվում են կարճատև տեղումներ, հնարավոր է ամպրոպ:
Օդի ջերմաստիճանը ապրիլի 1-ին, 2-ի գիշերը աստիճանաբար կբարձրանա 3-5 աստիճանով:
Արցախում այսօր և վաղը սպասվում է առանց տեղումների եղանակ:
Հաշվի առնելով դիտված և կանխատեսվող եղանակային պայմանները և մասնագիտացված ագրոօդերևութաբանական հաշվարկները՝ դեղձենու ծաղկումն Արարատյան դաշտում սպասվում է ապրիլի 5-10-ը ժամանակահատվածում, որը մոտ է բազմամյա միջին ժամկետին:
