Փաստաբան Նորայր Նորիկյանը, որ խորհրդարանական ընտրություններին մասնակցելու հայտ է ներկայացրել, իր ֆեյսբուքյան էջում գրել է
«Եթե հրապարակված տեսանյութը համապատասխանում է իրականությանը, իսկ այն անառարկելիորեն չի հերքվում, ուրեմն պաշտպանության նախարարն ու գլխավոր շտաբի պետը պետք է անմիջապես պաշտոնանկ արվեն, իսկ այդ ուղղության զորամիավորման հրամանատարի գեներալական ուսադիրները պետք է պոկել ու նետել աղբարկը:
Նման անպատիվ ու ստորացուցիչ տեսարանը որևէ արդարացում չունի:
Մեր երկրում պետք է վերջ տալ համընդհանուր այս ամենաթողությանն ու անպաշտպանվածությանը, սահմանային այս ՛՛Բարդակին՛՛…
Պետական իշխանության մարմինների այսպիսի անկարողությունն ու անարդյունավետությունը սպառնում է մեր ազգային անվտանգությանը:
Մենք պարտավոր ենք պաշտպանել մեր երկիրը, մեր պետությունն ու մեր արժանապատվությունը…
Հերի՛ք է…»:
