Շրջակա միջավայրի նախարարությունը շարունակում է ահազանգեր ստանալ հանրապետության տարածքում խոտածածկ տարածքների այրման վերաբերյալ։
Հերթական ահազանգն է ստացվել Արմավիրի մարզի Արշալույս համայնքին հարակից խոտածածկ տարածքների դիտավորյալ այրման մասին։
Շրջակա միջավայրի նախարարության համապատասխան ստորաբաժանումների կողմից համապատասխան գրություններ կուղարկվեն ՀՀ ոստիկանություն, ՀՀ Արտակարգ իրավիճակների նախարարություն, ՀՀ բնապահպանության և ընդերքի տեսչական մարմին և Արմավիրի մարզպետարան` դեպքի հանգամանքներն ուսումնասիրելու և համապատասխան ընթացք տալու համար։
Հարգելի քաղաքացիներ, ևս մեկ անգամ հորդրում ենք զերծ մնալ նման գործելաոճից և հիշեցնում․
Մթնոլորտային օդի պահպանության մասին ՀՀ օրենքի Հոդված 21-ի համաձայն արգելվում է այրել խոզանները, բուսական մնացորդներով ու չորացած բուսականությամբ տարածքները, արոտավայրերի ու խոտհարքների բուսականությունը գյուղատնտեսական, անտառամերձ, անտառային ու բնության հատուկ պահպանվող տարածքների հողերում:
Շնորհակալություն ենք հայտնում ահազանգելու համար։
Նման դեպքերում անհապաղ ահազանգեք ՀՀ Ոստիկանություն, Բնապահպանության և ընդերքի տեսչական մարմին կամ դիմեք Շրջակա միջավայրի նախարարություն։