«Համաներում հայտարարելու նախագիծը քրեակատարողական հիմնարկները բեռնաթափելու նպատակ չի հետապնդում»:
«Արմենպրես»-ի հաղորդմամբ, այդ մասին այսօր ԱԺ արտահերթ նիստում, որի օրակարգում նախագծի առաջին ընթերցումն է, հայտարարել է արդարադատության նախարարի պաշտոնակատար Արտակ Զեյնալյանը:
«Այն բացառապես մարդասիրական ակտ է: Դա իրականացվում է ի նշանավորումն Էրեբունի Երևանի 2800-ամյակի և Հայաստանի Առաջին Հանրապետության 100-ամյակի»,- ասել է Զեյնալյանը:
Նախարաի խոսքով, այսօրվա դրությամբ քրեակատարողական հիմնարկներում կան կալանավորված 2888 անձինք, այնինչ ամբողջ տեղերի թիվը 5346 է:
Նուբարաշեն քրեակատարողական կա 644 կալանավոր և դատապարտյալ, այն դեպքում, երբ 780 տեղ կա:
Վարդաշենի քրեակատարողական հիմնարկում տեղերի քանակն է 339, իսկ դատապարտյալների և կալանավորների թիվը՝ 155: