Փարաքարի համայնքապետարանում կրկին լարված իրավիճակ է. հերթական անգամ ավագանու նիստ էր գումարվել համայնքապետ ընտրելու համար, սակայն այն ընդամենը մի քանի րոպե տևեց։
Ինչպես տեղեկացնում է «Արմենպրես»-ը, նիստը չի կայացել, քանի որ ավագանու անդամները նիստը վարողի հետ կապված համաձայնության չեն եկել:
Այդ ընթացքում ինչ-որ մեկն ահազանգել էր, թե, իբր, շենքում ռումբ կա տեղադրված։
Ժամանեցին արտակարգ իրավիճակների նախարարության աշխատակիցները, որոնք շան օգնությամբ որոնողական աշխատանքներ իրականացրին, սակայն պայթուցիկ չհայտնաբերվեց: Նիստն անորոշ ժամանակով հետաձգվեց։
Դեկտեմբերի 5-ին կայացած ՏԻՄ ընտրությունների արդյունքում Փարաքար համայնքում «Ապրելու երկիր» կուսակցությունը 21 հոգանոց ավագանիում ստացել է 10 մանդատ եւ 10 ձայնով իրենց թեկնածուին՝ Վոլոդյա Գրիգորյանին ընտրել էր համայնքի ղեկավար:
