ՀՀ մշակույթի նախարարության աջակցությամբ և «Առնո Բաբաջանյան» հիմնադրամի հայաստանյան մասնաճյուղի նախաձեռնությամբ՝ 2019 թ. փետրվարի 22-ին, ժամը 19:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա Առնո Բաբաջանյանին նվիրված համերգ:
Հայաստանի ազգային ֆիլհարմոնիկ նվագախմբի նվագակցությամբ հանդես կգան ՀՀ և ՌԴ ճանաչված անհատ կատարողներ Նիկոլայ Ռյաբուխան, Սիլվա Հակոբյանը, Արսեն Ստեփանյանը, Կարինե Ասիրյանը, Սոնա Ռուբինյանը, Արթուր Աղաջանովը, Ինգա և Անուշ Արշակյանները, Սոնա Շահգելդյանը և այլք:
Հայաստանի ազգային ֆիլհարմոնիկ նվագախմբի գեղարվեստական ղեկավար և դիրիժոր՝ ՀՀ արվեստի վաստակավոր գործիչ Էդուարդ Թոփչյան:
Ծրագրում կհնչեն Առնո Բաբաջանյանի ստեղծագործությունները:
Այս մասին տեղեկացնում է պաշտոնական հաղորդագրությունը։