Հայաստանի նախագահը ստանձնում է իր պաշտոնը Եվրոպայի և ամբողջ աշխարհի համար չափազանց ծանր ժամանակաշրջանում․ Լիտվայի նախագահի շնորհավորական ուղերձը

Լիտվայի նախագահ Գիտանաս Նաուսեդան շնորհավորել է Հայաստանի նախագահ Վահագն Խաչատուրյանին երդմնակալության կապակցությամբ։

« Հաշվի առնելով, որ Հայաստանի նախագահը ստանձնում է իր պաշտոնը Եվրոպայի և ամբողջ աշխարհի համար չափազանց ծանր ժամանակաշրջանում, երբ Ուկրաինան ենթարկվում է Ռուսաստանի ռազմական ագրեսիայի, Լիտվայի նախագահը իր գործընկերոջը մաղթել է հաջողություն և վճռականություն Հայաստանը ժողովրդավարության և մարդու իրավունքների հարգանքի ճանապարհով տանելու գործում։

Լիտվայի և Հայաստանի ժողովուրդները լավ են հիշում անկախության դժվարին ճանապարհը։ Այս պահին եվրոպական բոլոր երկրների միասնությունը վճռորոշ է ընդհանուր արժեքների պահպանման և մեր ժողովրդի անվտանգության ու խաղաղության ապահովման համար»,- գրել է նախագահը շնորհավորական նամակում։

Կարևորելով Լիտվայի և Հայաստանի միջև բարեկամական երկկողմ հարաբերությունները՝ Գիտանաս Նաուսեդան նաև համոզմունք է հայտնել, որ Հայաստանի և Եվրամիության սերտ համագործակցությունը ոչ միայն կնպաստի հայ ժողովրդի բարեկեցությանը, այլև կնպաստի մեր երկկողմ երկխոսության ընդլայնմանը»,- ասված է շնորհավորական ուղերձում։