Պետական եկամուտների կոմիտեի նախկին նախագահ Դավիթ Անանյանը, որը այսօր եկել էր Ազատության հրապարակ, տեսակցել անժամկետ նտացույց հայտարարած Արթուր Վանեցյանին, հայտարարել է, թե հիմա իշխանությունների հետ որևէ կապ չունի:
«Ես իշխանությունների հետ որևէ կապ չունեմ: Իշխանությունում գտնվող առանձին մարդկանց հետ որոշակի փոխհարաբերություններ ունեմ, որոնք պրոֆեսիոնալ ու գործնական եմ: Ցանկացած մարդու ցանկացած ժամանակ կարողանում եմ իմ մասնագիտական կարողություններով պիտանի լինել՝ եթե խորհուրդ հարցնում եմ, աջակցում եմ: Բայց որպես այդպիսին, ես կառավարության հետ շփումներ չունեմ», -ասել է Անանյանը:
Հարցին, թե էլի կգա՞ կաջակցի՞ Ազատության հրապարակում հավաքված անձանց, Անանյանը արձագանքել է. «Այո, եթե ես որոշում կայացնեմ՝ որտեղ է իմ տեղը, իմ տեղը այստեղ պետք է լինի, նրանց կողքին»:
