Տնտեսական ցուցանիշները դրական ու լավատեսական են․ վարչապետ

Տնտեսական ցուցանիշները դրական ու լավատեսական են․ վարչապետ
Տնտեսական ցուցանիշները դրական ու լավատեսական են․ վարչապետ
Հեղինակ MediaLab

Այս տարվա չորս ամիսների տվյալներով՝ Հայաստանում տնտեսական իրավիճակի զարգացումը տեղի է ունենում դրական և լավատեսական դինամիկայով։ Այս մասին կառավարության այսօրվա նիստում ասաց վարչապետ Նիկոլ Փաշինյանը։Նա նշեց, որ Վիճակագրական կոմիտեի հրապարակած տվյալներով՝ ապրիլին արձանագրվել է 9.2 տոկոս տնտեսական ակտվիության ցուցանիշ։

«Եվ եթե այս ցուցանիշը համադրում ենք առաջին եռամսյակի արդեն ամփոփված տվյաների հետ՝ ՀՆԱ-ի 7.1 տոկոս աճ, սա մեզ հիմք է տալիս ասելու, որ տնտեսությունն ունի լավ դինամիկա, և մեր խնդիրն է հասցեական, ճշգրիտ կապիտալ ծախսերի միջոցով խթանել այդ լավ տրամադրությունը և ի վերջո կարողանալ ավելի լավ ցուցանիշների հասնել»,- հավելեց վարչապետը։
Նա նշեց, որ արդյունաբերական արտադրանքի ծավալն աճել է 13.2 տոկոսով։ Շինարարության ոլորտում աճն ավելի քիչ է, քան սպասվում էր, բայց այս ցուցանիշները կբարելավվեն։ Առևտրի շրջանառությունը, վբարչապետի խոսքով, ավելացել է 9 տոկոսով, ծառայությունների ծավալը՝ 16. Տոկոսով։
«Եվ, անկեղծ ասած, այս ցուցանիշների մեջ ամենաուրախալի ցուցանիշներից մեկը արտահանման ծավալների աճն է»,- ասաց նա։