Հակառակորդի կրակոցից զինծառայողի մահվան դեպքով հարուցվել է քրեական գործ

Հակառակորդի կրակոցից զինծառայողի մահվան դեպքով հարուցվել է քրեական գործ
Հակառակորդի կրակոցից զինծառայողի մահվան դեպքով հարուցվել է քրեական գործ
Հեղինակ MediaLab

ՀՀ քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանը տեղեկացնում է, որ երեկ զինծառայողի մահվան դեպքով քրեական գործ է հարուցվել:

«13.06.2019թ.՝ ժամը 17:05-ի սահմաններում N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցից հրազենային վնասվածք է ստացել պարտադիր ժամկետային զինծառայող, շարքային Արտյոմ Վազգենի Խաչատրյանը: Զինվորական հոսպիտալ տեղափոխվելու ճանապարհին Ա.Խաչատրյանը մահացել է:

Դեպքի առթիվ երրորդ կայազորային քննչական բաժնում ՀՀ քրեական օրենսգրքի 104-րդ հոդվածի 2-րդ մասի 13-րդ կետով հարուցվել է քրեական գործ, կատարվում է նախաքննություն»,- տեղեկացնում է Նաիրա Հարությունյանը: