«Հայաստան» դաշինքի անդամ Ռոբերտ Հայրապետյանը հայտարարել է, որ չի վերցնելու պատգամավորական մանդատը:
Այս մասին նա հայտնել է «Ֆեյսբուք»-ի իր էջում՝ գրելով.
«Ստեղծված իրողություններն անհամատեղելի են հավանական պատգամավորական գործունեությանս հանդեպ ունեցած պատկերացումների և առաջնային մանդատից բխող գործողությունների հանդեպ ունեցածս պատասխանատվության հետ:
Հետագա հասարակական գործունեությանս մեջ անդավաճան եմ մնալու սկզբունքներիս»:
Հիշեցնենք՝ «Հայաստան» դաշինքի անդամ, ԵՊՀ Արևելագիտության ֆակուլտետի դեկան Ռուբեն Մելքոնյանը ևս հրաժարվել է վերցնել պատգամավորական մանդատը:
Ինչպես հայտնել էինք, «Վերածնվող Հայաստան» կուսակցության անդամներ Վահե Հակոբյանը, Հռիփսիմե Ստամբուլյանը և Ելենա Կիրակոսյանը, որոնք ԱԺ «Հայաստան» խմբակցության կազմում ընտրվել էին պատգամավորներ, մանդատներից հրաժարվելու դիմում էին ներկայացրել: