ՊԵԿ-ը կշարունակի աջակցել Զինվորի տանը՝ կրթական ծրագրեր կազմակերպելու հարցում

Պետական եկամուտների կոմիտեն կշարունակի աջակցել Զինվորի տանը՝ հայրենիքի պաշտպանների համար կրթական ծրագրեր կազմակերպելու հարցում: Այս մասին հայտնել է ՊԵԿ նախագահ Ռուստամ Բադասյանը Զինվորի տուն կատարած այցի ժամանակ:

Ռուստամ Բադասյանը ծանոթացել է կատարվող աշխատանքներին, ապագայի ծրագրերին, լսել տղաների հաջողության պատմություններն ու հետևել նրանցից մի քանիսի վերականգնողական բուժման գործընթացին:

Հիշեցնենք՝ Պետական եկամուտների կոմիտեի աջակցությամբ Զինվորի տան տղաների մի խումբ արդեն ստացել է կրթություն, նրանցից լավագույն արդյունք գրանցածները նաև՝ աշխատանքի առաջարկ: