Վաշինգտոնում այս շաբաթ կանցկացվի Հայաստանի և Ադրբեջանի միջև հարաբերությունների կարգավորման մասին պայմանագրի շուրջ քննարկումների հերթական փուլը:Այս մասին հայտնում է «Ազատություն»-ը:
Ինչպես հաղորդում են Հայաստանի և Ադրբեջանի արտաքին քաղաքական գերատեսչություններից, վաղը մեկնարկող բանակցություններին մասնակցելու նպատակով նախարարներ Արարատ Միրզոյանը և Ջեյհուն Բայրամովը մեկնում են Միացյալ Նահանգների մայրաքաղաք:
Հայ-ադրբեջանական բանակցությունների հերթական փուլը Վաշինգտոնում պետք է տեղի ունենար հունիսի 12-ին, սակայն Հայաստանի արտգործնախարարությունից հայտնել էին, որ դրանք հետաձգվել են Բաքվի խնդրանքով:
Անցած շաբաթ Միացյալ Նահանգները և Հայաստանը հաղորդեցին վաշինգտոնյան նոր բանակցությունների մասին:
