Նոր պատժամիջոցներից խուսափելու համար ԱՄՆ-ը Թուրքիային կոչ է արել չգործարկել S-400-ները

Նոր պատժամիջոցներից խուսափելու համար ԱՄՆ-ը Թուրքիային կոչ է արել չգործարկել S-400-ները
Նոր պատժամիջոցներից խուսափելու համար ԱՄՆ-ը Թուրքիային կոչ է արել չգործարկել S-400-ները

ԱՄՆ-ի պետքարտուղար Մայք Պոմպեոն Թուրքիային մատակարարվող ռուսական S-400 զենիթահրթիռային ՀՕՊ համակարգերի վերաբերյալ հայտարարություն է արել Bloomberg-ի հետ զրույցում։

Ամերիկացի պաշտոնյան Թուրքիային զգուշացրել է, որ եթե Անկարան գործարկի ռուսական համակարգերը, ապա Վաշինգտոնը ավելի շատ պատժամջոցներ կարող է կիրառել։

Պոմպեոն հիշեցրել է, որ S-400 ՀՕՊ համակարգերի գնման պատճառով ԱՄՆ-ը կասեցրել է Թուրքիայի մասնակցությունը ամերիկյան F-35 կործանիչների ծրագրում ու ավելացրել. «Ավելի շատ պատժամիջոցներ կարող են կիրառվել: Պարզ ասած՝ մենք ցանկանում ենք, որ S-400-ները չգործարկվեն, մեր նպատակը դա է»:

Պոմպեոն շեշտել է, որ ԱՄՆ-ն անընդունելի քայլ կհամարի S-400-ների գործակցումը։

«Տևական ժամանակ է, ինչ Անկարային զգուշացնում ենք, որ S-400 համակարգերը չեն կարող ինտեգրվել F-35-երին: Այդ համակարգերի մի մասը հանձնվել է Թուրքիային։ Մենք կրկին ակնկալում ենք, որ թուրքերը կվերանայեն իրենց որոշումը», -եզրափակել է Պոմպեոն։

Աղբյուր` Aksam