«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը Ֆեյսբուք սոցիալական ցանցում գրել է.
«Վանեցյանը ակնարկում է, որ Նիկոլ Փաշինյանը գլուխ չի հանում պետականաշինությունից, առաջնայինը չի տարբերում երկրորդականից և այլն:
Անասնաբույծի դիպլոմով ու հեղափոխությունից առաջ ԱԱԾ-ի Երևանի վարչության պետի տեղակալի պաշտոնին հասած մեկը, ում օրոք երկրի ղեկավարին են գաղտնալսել, համարում է, որ Նիկոլ Փաշինյանից լավ գիտի, թե ինչպես կառուցել պետություն:
ԱԱԾ-ում ծառայում են և կատարում քաղաքացիական/քաղաքական անձանց (վարչապետի) առաջադրանքները, առաջնորդվում քաղաքական/քաղաքացիական խորհրդարանի ընդունած օրենքներով: Սա ժողովրդավարության կանոնն է, որի հետ չեն համակերպվում չեկիստները:
Չեկիստական մոտեցման վառ արտահայտում է համարելը, որ ԱԱԾ-ն պետք է պետության կառուցման հետ կապված որոշումներ ընդունի կամ այդ որոշումների վրա ազդեցություն ունենա:
Չեկիզմի էջը պետք է փակվի: Իսկ Արթուր Վանեցյանին մաղթում եմ ֆուտբոլային հաղթանակներ, դա իր մոտ ավելի լավ է ստացվում»: