Դավիթ Սանասարյանի գրառումը ներկայացնում ենք ստորեւ։
«1999 Հոկտեմբերի 27. վստահաբար կարող եմ ասել, որ Հայաստանի ողնաշարը զգալիորեն կացնահարվեց հենց այս օրը։
Հոկտեմբերի 27-ը մարտի 1-ի անբարոյական մայրն է, որը երկար տարիներ հղիանալով հանցագործություններով՝ մարտի 1-ին կրկին չարիք ծնեց հայ ժողովրդի գլխին…. Հոկտեմբերի 27-ը ժամանակին ըստ արժանվույնս չդատապարտվեց, այդ պատճառով էլ այն ունեցավ իր «Մարտի 1-ը»։
Քանի դեռ հայ ժողովրդի կողմից պատասխանատվության չեն ենթարկվել հոկտեմբերի 27-ի և մարտի 1-ի բոլոր մեղավորները՝ պետականասպանության հեղինակներն ու կատարողները, նրանք համառորեն փորձելու են դանդաղեցնել Նոր Հայաստանի փոփոխությունները, ավելին՝ կուտակած գողոնը խաղասեղանին դնելով՝ փորձելու են ռևանշի ու ապօրինի ճանապարհներով կրկին զավթել ժողովրդին պատկանող իշխանությունը»։
