Ադրբեջանը ԵԱՀԿ Նախարարների խորհրդին ներկայացրել է իր դիրքորոշումը ղարաբաղյան հակամարտության խաղաղ կարգավորման հարցում: Փաստաթուղթը հրապարակվել է Ավստրիայում, Սլովակիայում և Սլովենիայում Ադրբեջանի դեսպանատան թվիթերյան էջում:
Դրանում նշված է, որ Ադրբեջանը հակված է ԵԱՀԿ Մինսկի խմբի շրջանակում հակամարտության խաղաղ կարգավորմանը:
Ադրբեջանը ներկայացրել է քայլերի հաջորդականությունը՝ իր պատկերացմամբ.
Հայկական զինված ուժերը դուրս են գալիս «Լեռնային Ղարաբաղից և Ադրբեջանի մյուս տարածքներից»: Դրան հաջորդում է ադրբեջանական բնակչության վերադարձը անվտանգության բոլոր անհրաժեշտ միջոցառումների պահպանմամբ, ինչպես նաև տարածաշրջանում հաղորդակցությունների բացումը:
Հաջորդ քայլով, ըստ Բաքվի, պետք է որոշվի Լեռնային Ղարաբաղի կարգավիճակն Ադրբեջանի կազմում՝ Ադրբեջանի սահմանադրությանը համապատասխան:
«Այդ կարգավիճակը պետք է նպաստի շրջանի հայ և ադրբեջանական համայնքների խաղաղ գոյակցությանը», – նշված է Ադրբեջանի տարածած փաստաթղթում:
Մանրամասները՝ Lragir.am-ում:
