Երկու անգամից ավելի աճել է Մարդու իրավունքների պաշտպանի թեժ գծին ստացված զանգերի թիվը 2019 թվականին

Հեղինակ MediaLab

Մարդու իրավունքների պաշտպանի աշխատակազմի թեժ գիծ հեռախոսահամարներին ստացվող հեռախոսազանգերն 2019 թվականին աճել են 2 անգամ։

Մասնավորապես, 2016 թվականին ստացված հեռախոսազանգերի թիվը կազմել է 2,086, 2017-ին՝ 1,876, 2018-ին՝ 2,802, իսկ 2019 թվականին այդ ցուցանիշն աճել է երկու անգամից ավելի՝ դառնալով 6,210 հեռախոսազանգ:

Հիշեցնենք, որ Մարդու իրավունքների պաշտպանի աջակցությունը ստանալու համար կարող եք զանգահարել ‪116 կամ 096-116-100 հեռախոսահամարներով։ Վերջին հեռախոսահամարը հնարավորություն է տալիս զանգահարել նաև WhatsApp և Viber համակարգերի միջոցով։

Այս մասին տեղեկացնում են ՄԻՊ գրասենյակից: