Փաշինյանը լուսանկար է հրապարակել՝ ինչպես են թոշակառուները հերթ կանգնել՝ առանց սոցիալական հեռավորության կանոնը պահպանելու

ՀՀ վարչապետ Նիկոլ Փաշինյանը իր ֆեյսբուքյան էջում շարունակում է մարդկանց կուտակումների լուսանկարներ հրապարակել։ Այս անգամ նա հրապարակել է լուսանկար՝ ինչպես են թոշակառուները Հայփոստի դիմաց հերթ կանգնել՝ առանց սոցիալական հեռավորության կանոնը պահպանելու։

«Ըստ լուսանկարն ուղարկած օգտատիրոջ՝ այսօր, ժամը 11.00, Երևանի Մարգարյան փողոցի «Հայփոստի» բաժանմունք», -գրել է Փաշինյանը:

Հիշեցնենք՝ նախորդ անգամ Փաշինյանը ներկայացրել էր, թե ինչպես են Վանաձորի Գլորիա ֆաբրիկայի աշխատողները առանց դիմակ, առանց կանոներ պահպանելու նստում ավտոբուս՝ տուն գնալու համար։