Շանտաժների ու սաբոտաժների դուռը պետք է փակել, իսկ հակապետականության ցանկացած դրևորում պետք է արժանանա իրավական կոշտ հակազդեցության. Դավիթ Սանասարյան

Հեղինակ MediaLab

Դավիթ Սանասարյանը ֆեյսբուքյան էջում գրառում է կատարել, որը ներկայացնում ենք սորեւ։

«Հայրենակիցներ,

Հեղափոխությունից առաջ և հետո մենք բոլորս համաձայնության ենք եկել, որ կոռուպցիան, հակաիրավականն ու հակաօրինականը պետք է տեղ չունենան մեր երկրում։ Եվ եթե դրա համար պահանջվի մեծ ջանք ու ռեսուրս, դա պետք է անել առանց որևէ վայրկյան վարանելու։

Շանտաժների ու սաբոտաժների դուռը պետք է փակել, իսկ հակապետականության ցանկացած դրևորում պետք է արժանանա իրավական կոշտ հակազդեցության։

Օրենքի առաջ բոլորի հավասարության սկզբունքն իրավականության հիմնասյուներից է, և անկախ նրանից, թե կոնկրետ իրավիճակներ ու գործեր ինչպես կմեկնաբանվեն կամ կթարգմանվեն, Հայաստանում արտոնյալներ չպետք է լինեն, անկախ նրանից բարձրաստիճան պաշտոնյա ենք, թե ֆինանսական մեծ կարողությունների տեր, յուրաքանչյուրս մեր արածների համար պետք է պատասխան տա։

Այս առումով ես աջակցում եմ բոլոր այն իրավական գործընթացներին, որոնք ապահովում են վերոնշյալ կանոնների ու սկզբունքների անխափանությունը։

Հարգելինե՛րս,

մենք չպետք է երկմտենք մեր դավանած արժեքների ամրապնդման գործում, որևէ կերպ չպետք է պակասեցնենք վճռականությունն ու վստահությունը մեր բաղձալի կատարին հասնելու ճանապարհին։

Որքան էլ փորձեն թիկունքից հարվածել ու խոչընդոտներ ստեղծել, Հայաստանի ուժեղացմանն այլընտրանք չկա։

Առողջ ու անփորձանք եղեք»։