Հայաստանն ինքնիշխան սուբյեկտ է, որը բարեխղճորեն կատարում է իր բոլոր միջազգային՝ այդ թվում դաշնակցային պարտավորությունները՝ միաժամանակ առաջ մղելով իր շահերը․ Ռուբեն Ռուբինյան

Հեղինակ MediaLab

ԱԺ Արտաքին հարաբերությունների մշտական հանձնաժողովի նախագահ Ռուբեն Ռուբինյանը իր ֆեյսբուքյան էջում գրել է․

Ես արդեն կորցրել եմ հաշիվը, թե վերջին երկու տարներին մեր ընդդիմադիրները քանի անգամ են լացակումած գուժել, որ մեր արտաքին քաղաքականության կամ այս կամ այն քայլի կամ իրողության արդյունքում Ռուսաստանը/ԱՄՆ-ն/ԵՄ-ն/Իրանը/Չինաստանը մեզ պատժելու են։

Շատ կոնկրետ ընդդիմադիր շրջանակների այս մտայնությունը աշխարհայացք է, սիրելի բարեկամներ, մի ամոթալի աշխարհայացք, ըստ որի Հայաստանը խեղճ ու ամուլ օբյեկտ է, որը մի սանտիմետր ձախ կամ աջ անելու դեպքում պիտի պատժվի:

Իսկ մեզ համար Հայաստանն ինքնիշխան սուբյեկտ է, որը բարեխղճորեն կատարում է իր բոլոր միջազգային՝ այդ թվում դաշնակցային պարտավորությունները՝ միաժամանակ առաջ մղելով իր շահերը։

Ու այսպես լինելու է միշտ։ Կեցցե՛ Հայաստանի Հանրապետությունը։

Ես արդեն կորցրել եմ հաշիվը, թե վերջին երկու տարներին մեր ընդդիմադիրները քանի անգամ են լացակումած գուժել, որ մեր արտաքին…

Posted by Ruben Rubinyan on Thursday, July 2, 2020