Հանրապետության նախագահ Արմեն Սարգսյանն Անկախության օրվա առթիվ շնորհավորական ուղերձ է հղել Ամերիկայի Միացյալ Նահանգների նախագահ Դոնալդ Թրամփին:
Նախագահ Սարգսյանի ուղերձում ասվում է.
«Մեծարգո պարոն Նախագահ,
Ջերմորեն շնորհավորում եմ Ձեզ եւ ամերիկյան բարեկամ ժողովրդին՝ Ամերիկայի Միացյալ Նահանգների Անկախության օրվա առթիվ:
Հայաստանի եւ Միացյալ Նահանգների ամուր գործընկերային հարաբերություն¬ները մշտապես աչքի են ընկել փոխադարձ վստահությամբ եւ դրանք խորացնելու երկուստեք ու անկեղծ ցանկությամբ: Վստահ եմ, որ համատեղ ջանքերի շնորհիվ մեր փոխգործակցությունը կշարունակի զարգա¬նալ բոլոր մակարդակներով՝ ընդգրկելով նորանոր ոլորտներ:
Հայաստանի ժողովրդի եւ անձամբ իմ անունից ցանկանում եմ երախտիքս հայտնել այս ծանր օրերին Հայաստանին հատկացված օգնության եւ աջակցության համար: Համոզված եմ, որ միասին կհաղթահարենք կորոնավիրուսի համավարակի հետեւանքով առաջացած այս աննախադեպ ճգնաժամը:
Մաղթում եմ Ձեզ քաջառողջություն եւ ամենայն բարիք, իսկ Միացյալ Նահանգների բարեկամ ժողովրդին՝ բարօրություն եւ հետագա առաջընթաց»:
Այս մաիսն տեղեկացնում է պաշտոնական հաղորդագրությունը։
