Ադրբեջանի խորհրդարանն ընդունել է Թուրքիայի հետ առանց վիզային ռեժիմ հաստատելու նախագիծը: Ինչպես հաղորդում է «Արմենպրես»-ը, այս մասին հայտնում է haqqin.az լրատվական կայքը՝ հղում անելով Ադրբեջանի խորհրդարանի մամուլի ծառայությանը:
Փետրվարի 1-ին Ադրբեջանի խորհրդարանի գարնանային նստաշրջանի առաջին գումարման ընթացքում քննարկվել է 2020 թ. փետրվարի 25-ին Բաքվում ստորագրված առանց վիզային ռեժիմի սահմանման Ադրբեջանի կառավարության և Թուրքիայի կառավարության միջև ստորագրված համաձայնագրի հաստատման հարցը: Փոփոխության համաձայն, անձնագրերի օգտագործումը պարտադիր է պայմանագրի կողմերի տարածքից երրորդ երկիր մուտքի և ելքի համար: Համաձայնագրի 1-ին և 2-րդ հավելվածներում նշված սահմանային անցման համար անհրաժեշտ այլ փաստաթղթերն օգտագործվում են միայն մի կողմի տարածքից մյուսը ուղիղ ճանապարհորդելու համար: Քննարկումներից հետո փաստաթուղթը դրվել է քվեարկության և ընդունվել:
