Պարտության հաջորդ օրը Նիկոլա Սարկոզին, որը վերջին երեսուն տարվա ընթացքում առաջին պրեզիդենտն է, ով չկարողացավ երկրորդ անգամ ընտրվել, հայտարարել է, որ որոշել է թողնել մեծ քաղաքականությունը և որ չի պատրաստվում պայքարել հունիսին տեղի ունենալիք պառլամենտական ընտրությունների ընթացքում:
Սարկոզին լրագրողներին խնդրել է իրեն հանգիստ թողնել:
«Ես չափազանց շատ եմ սիրում կյանքը, որ կարողանամ շատ տառապել»,-ժպիտով ասել է նա և ավելացրել, որ այժմ երազում է «նորմալ կյանքի» մասին:
Ինչ վերաբերում է 44-ամյա Կարլա Բրունիին, ապա նրա հանար ապագայի հարցն այնքան էլ անորոշ չէ: Նրա դուստրը դեռ մոտ յոթ ամսական է, այդ պատճառով էլ շատ ժամանակ կպահանջվի նրան խնամելու համար: Բայց Կարլան մտադիր է վերադառնալ բեմ: Տարվա վերջում, հնարավոր է, դուրս գա Ֆրանսիայի նախկին առաջին տիկնոջ նոր ալբոմը, որը ձայնագրվել է նրա սեփական ստուդիայում:
Հնարավոր է, որ Կարլան նաև շարունակի իր ուժերը փորձել կինոյում, գրում է Daily Mail-ը, քանի որ Կարլայի քույրը՝ Վալերիա Բրունին, զբաղված է Բրունիների ընտանիքի մասին ֆիլմ նկարահանելով: Բնականաբար, Կարլան այնտեղ կարող է մարմնավորել ինքն իրեն:
© Medialab.am