Ամենայն Հայոց կաթողիկոս Գարեգին երկրորդի շնորհավորական ուղերձը` Հանրապետության տոնի կապակցությամբ ներկայացնում ենք ստորեւ:
«Հայաստանի Հանրապետության հռչակումը մայիսյան հերոսամարտերից հետո, արգասիքն էր մեր ժողովրդի ազատ ու անկախ ապրելու բաղձանքի եւ հայրենի պետականության վերականգնման համար դարավոր մաքառումների ու պայքարի:
Հանրապետության տոնը քաջալերության, միասնության եւ համախմբումի խորհուրդն ունի, որ պիտի առաջնորդի մեզ դեպի նոր հաղթանակներ եւ զորացնի մեր ժողովրդին` ամբողջական նվիրումով ծաղկուն դարձնելու հայրենի մեր երկիրը եւ իրագործելու մեր նախնյաց տեսիլքներն ու լուսավոր հույսերը»,- ըստ Մայր Աթոռի տեղեկատվական համակարգի տարածած հաղորդագրության իր ուղերձում ասել է Գարեգին Երկրորդը:
© Medialab.am