Աղջաբեդի շրջանը կրակի տակ պահելու մասին լուրը ևս կեղծ է: Այդ մասին հայտարարել է ՀՀ ՊՆ մամուլի խոսնակ Շուշան Ստեփանյանը։
Ըստ նրա, հայկական կողմը պահպանում է հումանիտար հրադադարի ռեժիմը և կասեցնում է այն խախտող Ադրբեջանի հարձակողական գործողությունները:
Ավելի վաղ ՀՀ ՊՆ-ն հիմնավոին հերքել էր Ադրբեջանի պաշտպանության նախարարության՝ Թարթառի շրջանի ուղղությամբ կրակ վարելու Հայաստանին ուղղված մեղադրանքը:
«Այս բացարձակ սուտ տեղեկատվությամբ ադրբեջանական կողմը հող է նախապատրաստում խաղաղ բնակավայրերի նկատմամբ ագրեսիվ գործողությունների համար», -հայտարարել էր Շուշան Ստեփանյանը։
