Ոստիկանության Ճամբարակի բաժնի ծառայողների ձեռնարկած օպերատիվ միջոցառումների արդյունքում` մարտի 14-ին, ժամը 00.15-ի սահմաններում, Այգուտ գյուղի մերձակայքում հայտնաբերվել և բաժնի տարածք էր տեղափոխվել 1966 թ. ծնված Սամվել Ս.-ի վարած «ԳԱԶ-53» մակնիշի ավտոմեքենան` մոտ 6 խմ վառելափայտով բեռնված:
Նյութերի նախապատրաստման ընթացքում պարզվել է, որ Ճամբարակի անտառտնտեսության մասնաճյուղի Գետիկի անտառպետության 4-րդ պահաբաժնի անտառապահ, 1977 թ. ծնված Անդրանիկ Բ.-ն իրեն վստահված պահաբաժնից, առանց համապատասխան թույլտվության, հատել է 4-5 ծառ և դարձնելով վառելափայտ` 100.000 դրամով վաճառել Սամվել Ս.-ին:
Պատճառված նյութական վնասի չափը պարզվում է: Այս մասին տեղեկացնում է ՀՀ ոստիկանության պաշտոնական հաղորդագրությունը: Ըստ հաղորդագրության, կատարվում է հետաքննություն:
Լուսանկարը` ecolur.org
© Medialab.am
