Երևանի ավագանու 5-րդ նստաշրջանի 4-րդ նիստին «Իմ քայլը» խմբակցության մի քանի ավագանու անդամ բացակայում էր կորոնավիրուսով հիվանդ լինելու պատճառով:
«Արմենպրես»-ի հաղորդմամբ` այս մասին նիստի սկսվելուց առաջ ասաց «Իմ քայլը» խմբակցության ավագանու անդամ Լևոն Զաքարյանը:
«Խմբակցությունում ունենք մեծ թվով COVI-19-ով հիվանդներ և կոնտակտավորներ: Ունենք նաև ավագանու անդամներ, ովքեր դեռ մանդատը չեն վերցրել և դեռևս հնարավորություն չունեն մասնակցել նիստին: Բացակա ավագանու անդամների շարքում կան նաև բժիշկներ, ովքեր անհետաձգելի վիրահատություններ ունեին, ինչպես նաև դասախոսներ, ովքեր քննություններ պետք է ընդունեն»,- նշեց Զաքարյանը:
Երևանի ավագանու 5-րդ նստաշրջանի 4-րդ նիստը սկսվեց 30 րոպե ուշացմամբ քվորում չլինելու պատճառով:
