Եմենի հարավային Ադեն քաղաքի կենտրոնական թաղամասերից մեկում ականապատ մեքենա է պայթեցվել: Պայթյունի հետևանքով զոհեր և վիրավորներ կան:
Այս մասին գրում է ՏԱՍՍ-ը՝ վկայակոչելով «Ալ Ջազիրա»-ն։ Աղբյուրի տվյալներով ՝ պայթյունն ուղղված է եղել ավտոշարասյան դեմ, որում գտնվել են Ադենի տեղական իշխանության ներկայացուցիչները:
Al-Arabiya հեռուստաալիքի փոխանցմամբ էլ՝ հարձակման թիրախում եղել է Ադենի վարչակազմի ղեկավարը, որը գտնվել է մեքենաներից մեկում:
Միջադեպի, ինչպես նաև զոհերի և վիրավորների թվի մասին մանրամասներ առայժմ չեն հաղորդվում։
Այս մասին հայտնում է factor.am-ը:
