Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան անդրադարձել է ՀՀ ԱԺ նախագահ Ալեն Սիմոնյանի հայտարարությանը հաջորդած՝ ՌԴ-ի ԱԳՆ-ի անդրադարձի հետ կապված հարցին:
«Արմենպրես»-ի հաղորդմամբ՝ ճեպազրույցում Զախարովան նախ նշել է, որ դա չի դիտարկում որպես միջադեպ:
Զախարովայի խոսքով՝ ռուսական կողմի համար ուղղակի կարևոր էր հստակություն մտցնել այդ հարցում։ Այդ թեման շոշափվել է նաև ՌԴ ԱԳ նախարար Սերգեյ Լավրովի և ՀՀ ԱԳ նախարար Արարատ Միրզոյան հեռախոսազրույցում։ «Մենք այդ թեման համարում ենք փակված»,-նշել է Զախարովան:
Ավելի վաղ ՌԴ ԱԳՆ-ն հայտարարությամբ անդրադարձել էր ՀՀ ԱԺ նախագահ Ալեն Սիմոնյանի՝ ռուսական լրատվամիջոցների հետ զրույցում «Լավրովի պլանի» մասին հայտարարություններին:
