Հակոբ Պարոնյանի անվան երաժշտական կոմեդիայի պետական թատրոնում Նորքի տուն–ինտերնատի բնակիչները ներկայացրել են Ժիրայր Անանյանի «Տաքսի–տաքսի» կատակերգական բեմադրությունը։
Այս մասին տեղեկացնում է ՀՀ աշխատանքի և սոցիալական հարցերի նախարարությունը:
««Տարմանի» թատերախմբի դերասանները Նորքի տուն-ինտերնատի տարեցներն են, որոնց ցանկությամբ՝ հայտնի բեմադրությունն իրենց կողմից ներկայացվել է հենց այն բեմում, որտեղ ժամանակին խաղացել են Կարպ Խաչվանքյանը, Սվետլանա Գրիգորյանը, Մելինե Համամջյանը և այլք։
Օրենսդիր և գործադիր մարմինների, հասարակական կազմակերպությունների ներկայացուցիչներից բացի, ներկայացումը դիտել են նաև նախարարության ենթակայությամբ գործող խնամքի հաստատությունների բնակիչները»,-տեղեկացնում է պաշտոնական հաղորդագրությունը։