Եվրամիության արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը Մադրիդում հայտարարել Է, որ այն երկրների մեծամասնությունը, որոնք մասնակցում են Իրանի հետ միջուկային բանակցություններին, համաձայն Է գործարքի շուրջ ԵՄ-ի առաջարկությանը:
Այդ մասին, ինչպես տեղեկացնում Է «Արմենպրես»-ը, օգոստոսի 23-ին հաղորդում Է Reuters գործակալությունը: «Նրանց մեծամասնությունը համաձայն Է, բայց ես տակավին պատասխան չունեմ ԱՄՆ-ից, սպասում եմ այն ստանալու այս շաբաթ»,- հայտարարել Է Բորելը: Օգոստոսի 22-ին Բորելն Իրանի պատասխանը ԵՄ-ի առաջարկությանը համարել Է խելամիտ, ըստ որում նա նաեւ ուշադրություն Է հրավիրել այն բանին, որ ԱՄՆ-ից առայժմ պաշտոնական պատասխան չի եղել:
ԳՀՀՊ-ն Իրանի հետ ստորագրվել Է 2015 թվականին ՄԱԿ-ի Անվտագության խորհրդի մշտական «հնգյակի» եւ Գերմանիայի կողմից նրա միջուկային մշակումների շուրջ ճգնաժամի հաղթահարման նպատակով: 2018 թվականին այդ պահին ԱՄՆ-ի նախագահի պաշտոնն զբաղեցնող Դոնալդ Թրամփը որոշում Է ընդունել այդ համաձայնությունից դուրս գալու մասին: Միացյալ Նահանգների գործող նախագահ Ջո Բայդենը բազմիցս հայտնել Է Թեհրանի հետ միջուկային գործարքին՝ Վաշինգտոնի վերադառնալու պատրաստակամության մասին:
Ռուսաստանը, Մեծ Բրիտանիան, Գերմանիան, Չինաստանը, ԱՄՆ-ը եւ Ֆրանսնան անցյալ տարվա ապրիլից Իրանի հետ բանակցություններ են վարում Վիեննայում ԳՀՀՊ-ն սկզբնական տեսքով վերականգնման շուրջ:
Օգոստոսի 16-ին Վիեննայի միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը հայտնել Է, որ Իրանական միջուկային գործարքի շուրջ համատեղ հանձնախմբի նախարարական հանդիպումը դրա վերականգնան բանակցությունների ավարտական փուլի շրջանակներում կարող Է կայանալ հաջորդ շաբաթ: Հանձնախմբի կազմի մեջ են մտնում Ռուսաստանը, Մեծ Բրիտանիան, Գերմանիան, Իրանը, Չինաստանը, Ֆրանսիան: Ավելի վաղ դրա կազմի մեջ Էր մտնում նաեւ ԱՄՆ-ը, հաղորդել Է ՏԱՍՍ-ը:
