Մարտի մեկի զոհերից Զաքար Հովհաննիսյանի սպանության համար մեղադրվող ոստիկանության զորքերի հրամանատարի նախկին տեղակալ, շտաբի պետ Գեղամ Պետրոսյանը, ով կալանավորված է, ցուցմունք չի տալիս այս պահին:
Այսօր այս մասին լրագրողներին ասաց Հատուկ քննչական ծառայության պետ Սասուն Խաչատրյանը:
Նա, սակայն, հավելեց, որ այս ձերբակալության շնորհիվ կարող են լինել շղթայական բացահայտումներ: «Մինչ այս էլ ոչ ոք չէր խոսում, բայց ունեցանք բացահայտում»,- հավելեց ՀՔԾ պետը:
Հարցին, թե հնարավորություն տեսնո՞ւմ է, որ Մարտի մեկի բոլոր 10 սպանությունները կբացահայտվեն, Սասուն Խաչատրյանը դրական պատասխան տվեց:
«Իհարկե, բարդություններ կան, անցել է շուրջ 11 տարի, մենք գիտենք, որ բազմաթիվ իրեղեն ապացույցներ կեղծվել են, այդ մասին ունենք բազմաթիվ ապացույցներ, ինչն օյեկտիվորեն դժվարացնում է մեր աշխատանքը: Բայց նաև մենք ամեն ինչ անելու ենք, որ բոլոր սպանությունները, դեպքի բոլոր հանգամանքները բացահայտվեն»,- ասաց Սասուն Խաչատրյանը:
Մանրամասները՝ Factor.am-ի տեսանյութում
