Կարմիր Խաչի ներկայացուցիչները տեսակցել են Հայաստանում կալանավորված ադրբեջանցի զինծառայողներին

Կարմիր Խաչի միջազգային կոմիտեի ներկայացուցիչներն այսօր տեսակցել են Հայաստանում կալանավորված երկու ադրբեջանցի զինծառայողներին, նրանց հետ տեղի են ունեցել առանձնազրույցներ։

«Արմենպրես»-ի հետ զրույցում այս մասին հայտնեց  ԿԽՄԿ հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին։

«Տեսակցությունների շրջանակում ադրբեջանցիներին հնարավորություն է տրվել կապ հաստատել ընտանիքների անդամների հետ՝ Կարմիր Խաչի նամակների միջոցով»,- ասաց նա:

Ամատունին նշեց, որ կալանավորված ադրբեջանցի զինծառայողների  առողջական վիճակի, պահման պայմանների վերաբերյալ տեղեկատվությունը քննարկում են միայն պահող իշխանությունների հետ։