Իտալիայում կորոնավիրուսով այն վարակվածները, որոնք 80 կամ ավելի բարձր տարիքի են, կամ ունեն վատ առողջական վիճակ, կզրկվեն ինտենսիվ խնամքի հասանելիությունից, եթե անհնար դառնա բոլոր հիվանդներին ծառայություններ մատուցել:
Կազմվել է արձանագրություն, ըստ որի՝ պետք է որոշվի, թե որ հիվանդները կստանան բուժում, որոնք ոչ, եթե լինեն ոչ բավարար միջոցներ: Ինտենսիվ թերապիայի կարողությունները սպառվում են երկրում, քանի որ Իտալիայում կորոնավիրուրը ակտիվ տարածում է ստանում:
Բժիշկներից մեկը նշել է. «Թե ով կապրի և ով կմահանա, որոշվում է տարիքով և հիվանդի առողջական վիճակով: Սա պատերազմի նման է»:
Փաստաթղթում նշվում է, որ եթե անհնար դառնա բոլոր հիվանդներին ինտենսիվ խնամքի ծառայություններ մատուցել, ապա անհրաժեշտ կլինի կիրառել բուժման հասանելիության չափանիշներ, որը կախված է ռեսուրսների հնարավորություններից:
«Փաստաթուղթն արդեն ամբողջական է, և միայն այն պետք է հաստատվի տեխնիկական-գիտական հանձնաժողովի կողմից մինչ հիվանդանոցներ ուղարկվելը:
Ակնկալվում է, որ չափանիշները կկիրառվեն ամբողջ Իտալիայում»,- telegraph.co.uk-ի փոխանցմամբ՝ այս մասին հայտնում են կառավարական աղբյուրները:
