Խոսրովի անտառ պետական արգելոցում ծուխ է նկատվում. դեպքի վայր են գնացել 40 հրշեջ-փրկարար

Հունիսի 18-ին, ժամը 14:41-ին Ճգնաժամային կառավարման ազգային կենտրոն տեղեկություն է ստացվել, որ Խոսրովի անտառ պետական արգելոցի առաջին անցակետից դեպի «Քյոսոս» տանող հատվածից ծուխ է նկատվում։

Դեպքի վայր է մեկնել ԱԻՆ ՓԾ Արարատի մարզային փրկարարական վարչության հրշեջ-փրկարարական ջոկատներից հինգ մարտական հաշվարկ։

Տեղազննման աշխատանքների իրականացման նպատակով օդ է բարձրացվել անօդաչու թռչող սարք, դեպքի վայր է մեկնել նաև ուղաթիռ։

Դեպքի վայրում են գտնվում ընդհանուր թվով 40 հրշեջ-փրկարար։ Այս մասին տեղեկացնում է ԱԻՆ-ը։